Festa d'Albani


Sparta:
Praticas socialas
Chantun:

Descripziun

La festa d'Albani è ina gronda festa en la citad veglia da Winterthur. Istoricamain sa tracti dal di da Son Albanus (22 da zercladur). Quest di da l'onn 1264 ha Rudolf da Habsburg concedì a Winterthur, ina citad kyburgaisa, in document da libertad cun dretgs e cun obligaziuns dals abitants da la citad. Pli u main a quest termin avevan tradiziunalmain lieu las elecziuns per la renovaziun da l'autoritad. Las fatschentas politicas èn uss vegnidas colliadas cun ina festa, a la quala ils burgais han survegnì da mangiar e da baiver.

Il 20avel tschientaner han las autoritads duvrà questa data per la festa per giuvens burgais. Suenter la Segunda guerra mundiala èn vegnidas organisadas pitschnas festas da quartier enturn ils 22 da zercladur. Or da quai è sa sviluppada la festa d'Albani che vegn realisada dapi l'onn 1971 l'ultima fin d'emna da zercladur e che attira mintg’onn var 100'000 visitadras e visitaders da Winterthur e dals conturns. Circa 100 uniuns e clubs mainan in'ustaria da festa ed i sunan numerusas bands da musica ed orchesters. La festa en la citad veglia vegn accumpagnada d'ina gronda fiera cun gieus e chars da divertiment e cun stans da festa.

Organisada vegn la festa d'Albani actuala d'in comité da festa. Per pudair realisar onn per onn la festa èsi necessari che las uniuns chattian er en l'avegnir voluntarias e voluntaris che pussibiliteschan cun lur ustarias da festa scuntradas e che dattan a la festa ses caracter local.

Gallaria d'illustraziuns

  • Fiera da la festa d'Albani © Albanifest-Komitee Winterthur (Juni 2011)
  • «Albani» per uffants © Albanifest-Komitee Winterthur (Juni 2011)
  • Ir a spass en las giassas da la citad veglia © Albanifest-Komitee Winterthur (Juni 2011)
  • Alimentaziun en las ustarias da festa © Albanifest-Komitee Winterthur (Juni 2011)
  • Fiera da la festa d'Albani © Albanifest-Komitee Winterthur (Juni 2011)
  • «Albani» per uffants © Albanifest-Komitee Winterthur (Juni 2011)
  • Ir a spass en las giassas da la citad veglia © Albanifest-Komitee Winterthur (Juni 2011)
  • Alimentaziun en las ustarias da festa © Albanifest-Komitee Winterthur (Juni 2011)

Referenzas e dossier

Publicaziuns
  • Adrian Bänninger: Das Albanifest in Winterthur. Ein Stadtfest am letzten Juni-Wochenende. In: Sechseläuten und Morgestraich. Die schönsten Feste und Bräuche der Schweiz. Geschichte und Gegenwart. Kreuzlingen, 2007, p. 75-77

  • Ernst Huggenberger: Albanifest in Winterthur. In: Das Jahr der Schweiz in Fest und Brauch. Ed. Rolf Thalmann, Fritz Hofer. Zürich, 1981, p. 206-207

  • Marc Leutenegger: Die Identifikation mit dem Fest schwindet. In: Der Landbote vom 21. Juni 2011, p. 13

  • Peter Niederhäuser: Albanifest. Tradition mit Startproblemen. In: Der Landbote vom 22. Juni 2011, p. 16

Dossier
  • Albanifest

    Ausführliche Beschreibung Ultima modificaziun: 24.08.2012
    Dimensiun: 265 kb
    Tip: PDF