L’Esprit de Genève – il spiert da Genevra


Sparta:
Expressiuns oralas
Chantun:

Descripziun

Diesch onns suenter la fundaziun da la Societad da las naziuns è cumparì «L’esprit de Genève» da Robert de Traz. En quest essai vegn declerà l'origin da la tradiziun umanitara sco ierta da trais persunalitads impurtantas: Jean Calvin, Jean-Jacques Rousseau e Henri Dunant. Lur activitad haja contribuì che la citad da Genevra è daventada il simbol per dialog, pasch e democrazia. Gia durant il temp da la refurmaziun èn persunas stgatschadas vegnidas accogliadas en la citad da Calvin che ha demussà uschia ch'ella è liberala e purtadra d’in spiert cosmopolitic. Sco bun burgais da Genevra ha Rousseau, l'autur dal «Contrat social», proponì da stgaffir ina Federaziun dals pievels per garantir ina pasch sempiterna. En quest connex s’ha el inspirà dal model svizzer. Tschient onns pli tard ha Henry Dunant preparà il terrain per la fundaziun dal Comité internaziunal da la Crusch cotschna ch'è resortì da la Convenziun da Genevra da l'onn 1864. Questa Convenziun è vegnida amplifitgada il 20avel tschientaner. Sco consequenza èn vegnidas creadas las quatter pitgas actualas dal dretg internaziunal umanitar: las quatter Convenziuns da Genevra da l'onn 1949 e lur protocols supplementars. Vitiers vegnan differentas iniziativas che n'èn betg per forza colliadas ina cun l'autra, ma che han la medema finamira, numnadamain da defender ils dretgs umans: il «Appel spirituel de Genève» (1999), l'Appel da Genevra per scumandar las minas cunter persunas (2000) e l’Iniziativa da Genevra per la pasch en Israel e Palestina (2003). Ultra da quai na dastg’ins betg emblidar che Genevra è il center mundial da la giurisdicziun da cumpromiss internaziunala privata e la sedia da numerusas organisaziuns betg guvernamentalas e ch'ella è mundialmain la citad cun la pli gronda spessezza da funcziunaris da las Naziuns Unidas.

Gallaria d'illustraziuns

  • Fotografia or da l'aria dal quartier da las organisaziuns internaziunalas, Genevra © United Nations, 2010
  • La «Place des Nations» e l'entrada dal «Palais des Nations», Genevra © United Nations, 2010
  • Ils participants da la 16avla seduta dal Cussegl dals dretgs umans, Genevra © United Nations, 2011
  • La centrala dal Comité internaziunal da la Crusch cotschna a Genevra © Alexander Umbricht, 2004
  • La sessiun inaugurala da la Societad da las Naziuns a Genevra, ils 15 da november dal 1920
  • Fotografia or da l'aria dal quartier da las organisaziuns internaziunalas, Genevra © United Nations, 2010
  • La «Place des Nations» e l'entrada dal «Palais des Nations», Genevra © United Nations, 2010
  • Ils participants da la 16avla seduta dal Cussegl dals dretgs umans, Genevra © United Nations, 2011
  • La centrala dal Comité internaziunal da la Crusch cotschna a Genevra © Alexander Umbricht, 2004
  • La sessiun inaugurala da la Societad da las Naziuns a Genevra, ils 15 da november dal 1920

Referenzas e dossier

Publicaziuns
  • Association de la Revue Equinoxe (Ed.) : Esprits de Genève. Idées d’Europe. Fribourg (revue Equinoxe no. 17). Lausanne, 1997

  • Roger Durand et al. : Genève et la paix. Acteurs et enjeux. Trois siècles d’histoire. Actes du colloque historique tenu au plais de l’Athénée, les 1-2-3 novembre 2001. Genève, 2005

  • Graduate Institute of International and Development Studies, Geneva (Ed.) : The spirit of Geneva in a globalized world. The twelfth Annual Humanitarian Conference of Webster University, Geneva (Refugee survey quarterly no. 4, vol. 26). Geneva, 2007

  • Maryvonne Stepczynski Maitre : « L’esprit de Genève », de Robert de Traz. Retour aux origines du mythe de la Genève internationale. Genève, 2002

  • Robert de Traz : L’esprit de Genève. Paris, 1929

  • Joseph Meri Yammouni (Ed.) : L’esprit de Genève mal dans sa peau ? Genève, 1991

Dossier
  • L'Esprit de Genève

    description détaillée Ultima modificaziun: 04.06.2018
    Dimensiun: 157 kb
    Tip: PDF