Abazias vadaisas


Sparta:
Praticas socialas
Chantun:

Descripziun

En il chantun Vad pon ins daventar president d'abazia («Abbé-président») senza ch'ins ha da far insatge cun la baselgia - sch'ins è numnadamain president d'ina da las 183 uniuns da tiradurs. Las abazias vadaisas èn numnadamain confraternitads che organiseschan grondas festas popularas cun concurrenzas da tir. Ultra da tiradurs avanzads pon sa participar a questas festas er purs principiants. Questas festas nua ch'il vin cula en abundanza duran mintgamai quatter dis ed han lieu tranter matg e settember. Per il solit vegn organisà in cortegi, in banchet u in bal da tiradurs. Las vias vegnan decoradas en moda pumpusa e festiva cun dretgas fluras u cun fluras faudadas da palpiri. A la surdada dals premis vegnan ils megliers tiradurs savens premiads cun vaschella da zin e cun ina rosa, ils auters participants giaudan la cumpagnia. Las emprimas confraternitads d'abazia èn vegnidas fundadas dal temp autmedieval, la pli veglia datescha da l'onn 1381. Lezza giada discurrivan ins dal tir da papagagl («Tir au Papegai»). Ins sajettava numnadamain propi sin in papagagl giagl da lain, da strom u da taila che vegniva montà sin in fist da var 50 meters autezza. Las abazias, stgaffidas dals conts da Savoia, ademplivan da quel temp er funcziuns paramilitaras, per exempel da mantegnair l'urden public e da defender ils territoris. Pir il 19avel e 20avel tschientaner è questa rolla vegnida messa en dumonda e silsuenter èn las abazias daventadas concurrenzas da sport vi e pli paschaivlas per celebrar la fraternitad ed il patriotissem.

Gallaria d'illustraziuns

  • «Abbaye des quatre saisons», Granges-Marnand: concurrenza da tir, 2007 © Jean-Marc Nicod, Granges-Marnand
  • «Abbaye des quatre saisons», Granges-Marnand: curunaziun dal campiun-tiradur, 2007 © Jean-Marc Nicod, Granges-Marnand
  • Sarament per la Noble abbaye des fusiliers de la paroisse de Villette, 1711 © Société militaire de l’ancienne commune de Villette
  • 11. radunanza da las abazias vadaisas a Losanna, 1925: carta da festa © Archives de la Fédération des Abbayes vaudoises
  • «Abbaye des quatre saisons», Granges-Marnand: concurrenza da tir, 2007 © Jean-Marc Nicod, Granges-Marnand
  • «Abbaye des quatre saisons», Granges-Marnand: curunaziun dal campiun-tiradur, 2007 © Jean-Marc Nicod, Granges-Marnand
  • Sarament per la Noble abbaye des fusiliers de la paroisse de Villette, 1711 © Société militaire de l’ancienne commune de Villette
  • 11. radunanza da las abazias vadaisas a Losanna, 1925: carta da festa © Archives de la Fédération des Abbayes vaudoises

Documents da video

L'abazia da Goumoens-la-Ville, 2008 © Quelle: http://www.youtube.com/watch?v=waNCsfw6u_Q

Referenzas e dossier

Publicaziuns
  • AAVV : Le Tir et les Abbayes. In : Encyclopédie illustrée du Pays de Vaud (tome 11). Lausanne, 1984, p. 195-209

  • Frédéric Amiguet : Les Abbayes vaudoises, histoire des sociétés de tir, leurs origines, leur développement. Lausanne, 1904

  • Jean-Jacques Fiechter (Ed.) : Les Abbayes vaudoises. Yens-sur-Morges, 1991

  • Gilbert Marion : Les fêtes de tir. L’Abbaye de la Milice bourgeoise de Grandcour. In : Présences. L’esprit de la fête populaire no. 35, octobre 1988, p.125-129

Dossier
  • Abbayes vaudoises

    description détaillée Ultima modificaziun: 27.06.2012
    Dimensiun: 278 kb
    Tip: PDF