Scuntrada da motos da Hauenstein


Sparta:
Praticas socialas
Chantun:

Descripziun

Durant la stagiun – da mez mars fin l'october – è la scuntrada da motos da Hauenstein in inscunter da pliras tschients persunas entusiasmadas per motos, che ha lieu mintga gievgia tar il restaurant «Isebähnli» a Trimbach en il chantun Soloturn. Motociclists arrivan natiers da tut la Svizra, da la Germania dal sid, da l'Alsazia e da las parts da l'Italia damanaivlas dal cunfin svizzer. Durant quest temp daventa il «Restaurant zur Eisenbahn» in «Mecca» per motos e bain mintga motociclist en Svizra enconuscha questa ustaria. Cun liongias da brassar e cola – biera vegn empustada mo darar – vegnan contempladas las motos ch’arrivan e partan ed examinadas las maschinas parcadas, vegni discurrì davart motos e passentà in temp patgific en cumpagnia. La scuntrada da motos da Hauenstein exista dapi l'onn 1968 e n'è «betg pli uschè selvadia sco quai ch'ins temeva ina giada». Naschida è ella mez dals onns 1960 en il restaurant «Sonne» a Buckten, chantun Basilea-Champagna. Suenter la mort da l'ustiera da la «Sonne» l'onn 1968 è l'inscunter vegnì spustà al «Isebähnli» a Trimbach. Sin la segunda stagiun en il «Isebähnli» è cumparì il film «Easy Rider». Quai ha mess ad ir la scuntrada da motos per propi e rotschas da novs visitaders èn vegnids en il «Isebähnli» – ina tendenza ch'è sa mantegnida fin oz.

Gallaria d'illustraziuns

  • La plazza da parcar da la scuntrada da motos © Jamie Burkhalter und Tanja Coray, 2011
  • Da la collina d'aspectaturs anora sa lascha l'eveniment observar il meglier © Tanja Coray, 2011
  • Tar il restaurant «Isebähnli»: Ins flanescha sur la plazza da parcar, admira e discurra da motos © Karin Janz, 2011
  • Ina bella moto suenter l'autra © Karin Janz, 2011
  • Da vesair èn differents models © Karin Janz, 2011
  • Betg mo models actuals, mabain er oldtimers u maschinas extraordinarias sco questa pon vegnir contemplads © Karin Janz, 2011
  • Il chantun d'oldtimers sper la terrassa dal restaurant © Jamie Burkhalter und Tanja Coray, 2011
  • Grond travasch tar l'entrada e tar la sortida da la plazza da parcar © Karin Janz, 2011
  • La «tavla da martgà» en il restaurant «Isebähnli» © Karin Janz, 2011
  • La plazza da parcar da la scuntrada da motos © Jamie Burkhalter und Tanja Coray, 2011
  • Da la collina d'aspectaturs anora sa lascha l'eveniment observar il meglier © Tanja Coray, 2011
  • Tar il restaurant «Isebähnli»: Ins flanescha sur la plazza da parcar, admira e discurra da motos © Karin Janz, 2011
  • Ina bella moto suenter l'autra © Karin Janz, 2011
  • Da vesair èn differents models © Karin Janz, 2011
  • Betg mo models actuals, mabain er oldtimers u maschinas extraordinarias sco questa pon vegnir contemplads © Karin Janz, 2011
  • Il chantun d'oldtimers sper la terrassa dal restaurant © Jamie Burkhalter und Tanja Coray, 2011
  • Grond travasch tar l'entrada e tar la sortida da la plazza da parcar © Karin Janz, 2011
  • La «tavla da martgà» en il restaurant «Isebähnli» © Karin Janz, 2011

Referenzas e dossier

Publicaziuns
  • Dominik Hess: 41. Saison eröffnet. Trimbach, 2009

  • Beat Wyttenbach: «Isebähnli». Das Mekka der Töff-Freaks. In: Der Sonntag no. 26, 3. Juli 2011

Dossier
  • Töfftreff Hauenstein

    Ausführliche Beschreibung Ultima modificaziun: 27.08.2012
    Dimensiun: 261 kb
    Tip: PDF