Mascaradas da Silvester


Sparta:
Praticas socialas
  • Expressiuns oralas
  • Arts figurativs
Chantun:

Descripziun

Da Silvester ed il di dal «Silvester vegl», ch'è datà per ils 13 da schaner, vegn festivà in usit d'enviern impressiunant en la part vest da l'Appenzell Dadora. Gruppas da mascaradas, uschenumnads «Schuppel», van a far – mintgina sin in'atgna ruta – ina visita dals bains purils. Là fan ellas mintgamai in rudè, laschan resunar lur stgellas cun moviments ritmics e chantan in «Zäuerli» (ina tscherta furma da jodel). Las mascaradas giavischan a la famiglia dal bain puril in bun onn nov, survegnan in regal en daners e van tar il proxim bain puril.

Tar las mascaradas da Silvester, l’uschenumnà «Silvesterchlausen», differenzieschan ins ozendi trais gruppas da mascaradas: las «Bellas» («Schöne»), las «Bellas-tridas» («Schö-Wüeschte») e las «Tridas» («Wüeschte»). Las «Bellas» portan costums da vali, ornads cun borduras d'argient e schlappas e chapels che mussan scenas entagliadas dal mintgadi e ch'èn ornads cun perlas da vaider, cun folias e cun corduns. Las «Tridas» portan vestgids grops cun si dascha, frustgas, feglia u strom e lur fatschas èn cuvridas da mascras da demunis, fatgas da pappmaché. Las «Bellas-tridas» dovran er materials natirals per lur vestgids ch'èn però – sco tar las «Bellas» – fatgs cun gronda premura. La gronda part dals commembers da las gruppas èn mascaradas cun stgellas che portan ina stgella ubain ina plumpa sin il pèz ed ina plumpa sin il dies e represchentan figuras masculinas. En tut las gruppas datti però almain duas figuras femininas che portan sin lur pèz fin a 13 rols (stgellas radundas cun ina sfessa entamez) e che vegnan numnadas femnas da rols («Rollenweiber»). Perquai che quest usit è definì sco usit masculin, fan mattas mo part en gruppas d'uffants.

Gallaria d'illustraziuns

  • Bellas mascaradas da Silvester sin la plazza communala ad Urnäsch © Hans Hürlemann, Urnäsch, 2007
  • Ina fulla a Silvester ad Urnäsch © Hans Hürlemann, Urnäsch, 2007
  • Ina bella gruppa vi dal jodlar a Ruppen, Urnäsch © Hans Hürlemann, Urnäsch, 1980er Jahre
  • Mascaradas tridas a Geren, Urnäsch © Hans Hürlemann, Urnäsch, 1970er Jahre
  • Ina bella gruppa vi dal jodlar a Bindli, Urnäsch © Hans Hürlemann, Urnäsch, 2005
  • In mascarada da Silvester bella-trida en il «Bären», Urnäsch, giavischa in bun onn nov © Hans Hürlemann, Urnäsch, 1980er Jahre
  • Ina gruppa da «Bellas-tridas» en il Boden ad Urnäsch © Hans Hürlemann, Urnäsch, 2006
  • Ina gruppa d'uffants tar il Hofbach ad Urnäsch © Hans Hürlemann, Urnäsch, 2007
  • «Aachlause» vegn numnà l'avischinar en in bun urden da la proxima chasa (qua a Schwantelen, Urnäsch) © Hans Hürlemann, Urnäsch, 2006
  • La noziun «Chlause» vegn er duvrada per il sunar ritmicamain las plumpas (qua a Tal, Urnäsch) © Hans Hürlemann, Urnäsch, 2005
  • Bellas mascaradas da Silvester sin la plazza communala ad Urnäsch © Hans Hürlemann, Urnäsch, 2007
  • Ina fulla a Silvester ad Urnäsch © Hans Hürlemann, Urnäsch, 2007
  • Ina bella gruppa vi dal jodlar a Ruppen, Urnäsch © Hans Hürlemann, Urnäsch, 1980er Jahre
  • Mascaradas tridas a Geren, Urnäsch © Hans Hürlemann, Urnäsch, 1970er Jahre
  • Ina bella gruppa vi dal jodlar a Bindli, Urnäsch © Hans Hürlemann, Urnäsch, 2005
  • In mascarada da Silvester bella-trida en il «Bären», Urnäsch, giavischa in bun onn nov © Hans Hürlemann, Urnäsch, 1980er Jahre
  • Ina gruppa da «Bellas-tridas» en il Boden ad Urnäsch © Hans Hürlemann, Urnäsch, 2006
  • Ina gruppa d'uffants tar il Hofbach ad Urnäsch © Hans Hürlemann, Urnäsch, 2007
  • «Aachlause» vegn numnà l'avischinar en in bun urden da la proxima chasa (qua a Schwantelen, Urnäsch) © Hans Hürlemann, Urnäsch, 2006
  • La noziun «Chlause» vegn er duvrada per il sunar ritmicamain las plumpas (qua a Tal, Urnäsch) © Hans Hürlemann, Urnäsch, 2005

Documents da video

Extract dal film «Gelebte Tradition, Brauchtum im Appenzellerland» © Andreas Baumberger, 2004

Documents sonors

In «Zäuerli», accumpagnà cun in ritmus perfetg dal sun caracteristic da las duas plumpas (or da la CD: «Chlausezäuerli») © Chlausegruppe Stein AR, 1997

Ina gruppa ad Urnäsch chanta il jodel cun duas parts «Chemifeger Fässlers» dals Fässlers, ina famiglia indigena da mascaradas. Quest jodel è in dals paucs tocs che porta in num da famiglia (or da la CD: «Am alte Silveschter z’Urnäsch” © Cyrill Schläpfer/CSR Records Zürich, 1991

Referenzas e dossier

Publicaziuns
  • Regina Bendix, Theo Nef: Silvesterklausen in Urnäsch. St.Gallen, 1984

  • Hans Hürlemann: Brauchtum im Appenzellerland. Herisau, 1996

  • Hans Hürlemann: Urnäsch. Landschaft – Brauchtum – Geschichte. Herisau, 2006

  • Thomas Lüchinger: Guets Neus. Sschöö, wüescht ond schööwüescht (Film). 2011

  • Werner Mezger: St. Nikolaus zwischen Kult und Klamauk. Ostfildern, 1993

  • Thomas Rickenmann: Silvesterchlausen (Film). 2011

Dossier
  • Silvesterchlausen

    Ausführliche Beschreibung Ultima modificaziun: 23.07.2012
    Dimensiun: 285 kb
    Tip: PDF