Ierts purils ad Osterfingen


Sparta:
Natira ed ambient
  • Expressiuns oralas
Chantun:

Descripziun

Dapi l'onn 2005 mantegna la vischnanca da Wilchingen-Osterfingen da l'Unterklettgau en il chantun Schaffusa en sia fracziun Osterfingen ina senda d'orticultura che duai promover il senn per la cultura tradiziunala dad ierts purils da Schaffusa. Enfin oz èn sa laschads entusiasmar da questa idea 31 persunas che possedan in iert e che sustegnan cun lur collavuraziun activamain quest project. Ierts existents vegnan mantegnids e tgirads u il stadi oriund vegn schizunt refatg. Ils ierts da niz, da flurs e da chasa augmentan l'attractivitad dal vitg e gidan essenzialmain ad augmentar la valur turistica. Ils ierts che vegnan concepids cun blera diligenza, fadia e creativitad enritgeschan il maletg da la via e dattan al vitg in scharm spezial. Questa activitad sa basa sin ina lunga tradiziun da la cultura dad ierts purila sco ch'ella sa manifestescha dapertut en Svizra. La structura da basa dals ierts purils en Svizra n'è strusch sa midada en il decurs dals tschientaners. Els sa chattan gist sper la chasa d'abitar u sper ils edifizis d'economia ed uneschan sin ina surfatscha relativamain pitschna plantas da niz e plantas decorativas. Uschia creschan sper legums, ervinas e pumaraida er flurs, chaglias e chaglioms. Sco ad Osterfingen vegni en blers lieus dà in'attenziun tut particulara a l’estetica dals ierts.

Gallaria d'illustraziuns

  • Fotografia or da l'aria dad Osterfingen nà dal sid © Staatsarchiv Schaffhausen, 1985
  • L'«Obere Mühle» (1709): La furma rectangulara da l'iert cun ina saiv da spizzads è caracteristica per ierts purils da Schaffusa © B. Linsi, Osterfingen
  • La gruppa imposanta d'edifizis «Zum Ochsen» da l'onn 1752 cuntegna – ultra da parts d'abitar e d'economia – er gronds tschalers d'arvieut © Emil Wiesli, Schaffhausen
  • Chasa purila «Alter Sternen» (1819) : per proteger las flurs d'in onn e las plantas tipicas, l'iert è circumdà d'ina saiv da spizzads © Barbara Linsi, Osterfingen
  • L'iert che sa chatta davant il sectur d'abitar da l'immobiglia «Oberdorf 29» è l'iert puril il pli ritg ed il pli bel dad Osterfingen © Barbara Linsi, Osterfingen
  • Las viettas da l'iert «Oberdorf 29», construidas en furma d'ina crusch, vegnan enramadas d'ina saiv viva da puzpan pli che 100 onns vegl © B. Linsi, Osterfingen
  • Fotografia or da l'aria dad Osterfingen nà dal sid © Staatsarchiv Schaffhausen, 1985
  • L'edifizi «Obere Mühle» da l'onn 1709: La furma rectangulara da l'iert cun ina saiv da spizzads è caracteristica per ierts purils da Schaffusa © Barbara Linsi, Osterfingen
  • La gruppa imposanta d'edifizis «Zum Ochsen» da l'onn 1752 cuntegna – ultra da parts d'abitar e d'economia – er gronds tschalers d'arvieut. Particulars èn ils portics da la vart davos. L'iert puril ch'è vegnì fatg davant in edifizi d'economia isolà è circumdà d'ina saiv da spizzads. La chasa d'abitar è ornada cun spaliers da pairs, da kiwis e d'apricosas © Emil Wiesli, Schaffhausen
  • Chasa purila «Alter Sternen» (1819) : per proteger las flurs d'in onn e las plantas tipicas, l'iert è circumdà d'ina saiv da spizzads © Barbara Linsi, Osterfingen
  • L'iert che sa chatta davant il sectur d'abitar da l'immobiglia «Oberdorf 29» è l'iert puril il pli ritg ed il pli bel dad Osterfingen © Barbara Linsi, Osterfingen
  • Las viettas da l'iert «Oberdorf 29», construidas en furma d'ina crusch, vegnan enramadas d'ina saiv viva da puzpan. Sco che l'ortulana sa raquintar, duain ils puzpans esser pli che 100 onns vegls. L'iert che cuntegna plantas decorativas ed ervinas vegn cunfinà d'ina saiv da spizzads © Barbara Linsi, Osterfingen

Referenzas e dossier

Publicaziuns
  • Kurt Bächtold: Osterfingen. Die Geschichte eines Weinbaudorfes. Ed. Gemeinde Osterfingen. Osterfingen, 1994

  • Albert Hauser: Bauerngärten. In: Historisches Lexikon der Schweiz (Band 5). Basel, 2006

  • Isabell Hermann: Garten. In: Die Bauernhäuser des Kantons Schaffhausen (Die Bauernhäuser der Schweiz 33). Isabell Hermann, Pius Räber. Basel, 2010, p. 82-89

  • Franziska Huber: Bauerngärten. Merkblätter des Bundesamtes für Bevölkerungsschutz, Fachbereich Kulturgüterschutz. Bern, 2006

  • Emil Wiesli: Historische Gärten im Kanton Schaffhausen (Neujahrsblatt der Naturforschenden Gesellschaft Schaffhausen 54). Schaffhausen, 2004

  • Emil Wiesli: Gartenpfad Osterfingen. Hallau, 2005

  • Emil Wiesli: Die Bauerngärten von Osterfingen. In: Schaffhauser Magazin no. 1. Schaffhausen, 2006, p. 64-67

  • Dietrich Woessner: Der Bauerngarten. In: Neujahrsblatt der Naturforschenden Gesellschaft Schaffhausen no. 18. Thayngen, 1965/1966

Dossier