Groppenfasnacht – Tschaiver da rambots


Sparta:
Praticas socialas
Chantun:

Descripziun

La «Groppenfasnacht» – il Tschaiver da rambots (ina spezia da peschs) – è in usit che cumbinescha la pestga, la primavaira ed il tschaiver e che ha lieu sco ultima occurrenza da tschaiver en Svizra trais emnas avant Pasca. Il punct culminant è il cortegi da rambots che ha lieu mintga trais onns. Var 1200 persunas participadas tiran tras las vias e delecteschan 15'000 aspectaturas ed aspectaturs. Manà vegn il cortegi d'ina reproducziun surdimensiunada d'in rambot. Alura suondan gruppas tradiziunalas da pestgaders, motivs da primavaira, figuras da paraulas, gruppas e musicas da tschaiver. Durant il cortegi vegnan repartids als visitaders baccunets da pesch e vin alv da la regiun. Il cortegi fa part d'ina festa populara da plirs dis cun ina sairada da tschaiver dal vitg, cun in tschaiver d'ustarias e cun in bal da lumpas.

Pliras legendas curseschan oz davart la naschientscha da questa occurrenza. La pli probabla para dad esser quella ch'il Tschaiver da rambots deriva d'ina festa da primavaira dals pestgaders dad Ermatingen. Ermatingen ha ina tradiziun da pestgaders che tanscha lunsch enavos – sco strusch in auter vitg en Svizra. Impurtanta era cunzunt la pestga da bondellins. Las raits da pestga e las bartgas nairas a funs plat vegnivan designadas sco «Segi», ed ils pestgaders vegnivan numnads «Segimanne». Questa pestga tradiziunala è dentant svanida ad Ermatingen.

Gallaria d'illustraziuns

  • Il rambot surdimensiunà al cortegi dal Tschaiver da rambots © Daniel Höhn
  • Motiv da primavaira al cortegi dal Tschaiver da rambots © Groppenkomitee Ermatingen
  • Blers aspectaturs persequiteschan il cortegi dal Tschaiver da rambots © Daniel Höhn
  • L'emprima dunna en il comité da rambots © Groppenkomitee Ermatingen
  • Fritz Ribi cun la preda dal di © Daniel Höhn
  • Il rambot da l'onn 1956 © Groppenkomitee Ermatingen
  • Das Groppenkomitee – il comité da rambots © Groppenkomitee Ermatingen
  • La gronda bartga da bondellins davant Ermatingen © Groppenkomitee Ermatingen
  • Il rambot surdimensiunà al cortegi dal Tschaiver da rambots © Daniel Höhn
  • Motiv da primavaira al cortegi dal Tschaiver da rambots © Groppenkomitee Ermatingen
  • Blers aspectaturs persequiteschan il cortegi dal Tschaiver da rambots © Daniel Höhn
  • L'emprima dunna en il comité da rambots © Groppenkomitee Ermatingen
  • Fritz Ribi cun la preda dal di © Daniel Höhn
  • Il rambot da l'onn 1956 © Groppenkomitee Ermatingen
  • Das Groppenkomitee – il comité da rambots © Groppenkomitee Ermatingen
  • La gronda bartga da bondellins davant Ermatingen © Groppenkomitee Ermatingen

Referenzas e dossier

Publicaziuns
  • Ferdinand Bolt: Die Ermatinger Groppenfasnacht. In: Thurgauer Jahresmappe. Arbon, 1967, p. 16-17

  • Thomas Vaterlaus, Monika Schiess: Der See, das Dorf und sein Fest. Ermatingen und der grosse Groppenumzug. Zürich, 2004

  • Wie entstand die Groppenfasnacht? In: Ermatinger Geschäftsblatt. 9. Ermatingen, 1949

Dossier
  • Groppenfasnacht

    Ausführliche Beschreibung Ultima modificaziun: 16.07.2012
    Dimensiun: 294 kb
    Tip: PDF