Nudar en l’Aara a Berna


Sparta:
Natira ed ambient
  • Praticas socialas
Chantun:

Descripziun

Berna n'ha bain nagin lai. Però procuran l'Aara ed il nudar en l'Aara - ch'è ordvart popular e pervia da l'aua per part relativamain selvadia er excitant - dapi dacurt a la citad in renum internaziunal. Uschia vala Berna a Berlin, a Boston ed en autras citads sco ideal per il bagnar en il flum e sco exempel per la bellezza d'aua netta. In factur decisiv per la tradiziun dal nudar en l'Aara è numnadamain la purezza da l'aua ch'è en cumparegliaziun cun il rest dal mund ina curiusitad. Entant che l'Aara haveva pli baud ina funcziun da protecziun e serviva sco accumulaziun d'aua, sco funtauna da nutriment e sco via da transport, è ella oz l'ensaina natirala da Berna. Cun ils bogns gratuits Eichholz, Marzili e Lorraine è ella ina impurtanta zona da recreaziun locala per la populaziun e contribuescha a l'auta qualitad da viver a Berna.

Nudar en l'Aara a Berna fa vegnir dependent. Persunas endiridas nodan dapi 25 onns la fin d'atun ils 350 meters dal «Zibeleschwümme». Per il rest da las Bernaisas e dals Bernais tutga il nudar en l'Aara inseparablamain tar la stad. Sco punct da partenza servan en emprima lingia ils dus bogns da flum cun ritga tradiziun: il «Marzilibad» (1782) ed il «Lorrainebad» (1892). Là vegni s'inscuntrà, deponì la vestgadira e suandà la collona da persunas che spassegia amunt. Davent dal Lorrainebad en direcziun Altenbergsteg, davent dal Marzili en direcziun Schönausteg. Sch'ins è ì ditg avunda, vai liber: ins sa metta en l'aua e sa lascha purtar dal flum oragiu. Sut l'aua suna la musica da l'Aara: crappels che fan suns intgantants.

Malgrà ils lieus d'entrada e da sortida bain vesaivels, è l'Aara privlusa ed adattada mo per persunas ch'èn gia sa famigliarisadas cun il flum. Ils blers uffants bernais van l'emprima giada en l'Aara cun la mamma e cun il bab. In eveniment ch'els braman ardentamain. Pli tard transmettan els questa tradiziun a lur agens uffants.

Gallaria d'illustraziuns

  • «Quest placat è in’oda al nudar en l’Aara a Berna – per il temp fraid durant l’enviern, cur che mo pli las persunas endiridas van en l’aua da briscla.» © Kaspar Allenbach/aare.guru
  • Foto da monitur da l’app aare.guru (2-7-2017) © aare.guru
  • Foto da monitur da l’app Aare – Schwimm Wetter Temperatur (Berna, 2-7-2017) © illuBits Schaad
  • Charta da l’Aara per persunas cun bartgas e per nudaders (Berna, 2017) © Schweizerische Lebensrettungs-Gesellschaft: SLRG
  • Carta da survista per nudar en l’Aara a Berna © aare.guru
  • Aare you safe – tavla da sortida en il Marzili © Sportamt der Stadt Bern
  • Aare you safe – slogan sin la via a la riva visavi il «Blutturm» © Sportamt der Stadt Bern
  • Aare you safe – placat 2017 © Sportamt der Stadt Bern
  • Il Marzili 1898/99 (atlas Müller) ed oz © Mülleratlas und GoogleMaps
  • Nudar en l’Aara © Marco Zanoni

Documents da video

Wie fühlt sich Aareschwimmen an (18.12.2011). © Aare.guru

Swimming in Bern (17.6.2017) © Diccon Bewes

Referenzas e dossier

Publicaziuns
  • Christian Aeberhard et al. (Ed.): Heimat Marzili. 80 Portraits aus dem Berner Aarebad. Baden, 2004

  • Peter Gygax: Marzili - Berner Welt am Aareufer. Münsigen-Bern, 1991

  • Franz auf der Maur, Laslo Irmes: Die Aare. Zürich, 1987.

  • Barbara Kerneck: Träume von Klarheit. In: Tageszeitung taz, 22.7.2005 (www.taz.de/!572702/)

  • Andreas Schwab: «Nackt beim Dählhölzli herumspazieren». In: Der kleine Bund, 22.8.1998, p. 7

Dossier
  • Aareschwimmen in Bern

    Ausführliche Beschreibung Valaivel a partir da: 07.05.2018
    Dimensiun: 516 kb
    Tip: PDF