Las «braderies» da l’artg dal Giura


Sparta:
Praticas socialas
Chantun:

Descripziun

Las «braderies» èn gronds eveniments populars che sa splegan en la regiun da l’artg dal Giura (Bienna, La Chaux-de-Fonds, Moutier e Porrentruy). Oriundamain sa tractavi da fieras, nua ch’ils negoziants da la citad sbassavan lur pretschs per rumper cun il context economic disfavuraivel che regiva durant ils onns 1930. Las «braderies» èn alura sa sviluppadas pass per pass – integrond adina dapli las societads localas (associaziuns sportivas, culturalas, communablas, e.u.v.) – ed èn daventadas grondas entupadas, nua che la populaziun sa scuntra, mangia, baiva e fa festa durant in’entira fin d’emna. Questas fieras han lieu mintga dus onns a la fin da la stad, cun excepziun da Bienna, nua che l’eveniment sa splega mintg’onn al cumenzament da la stad.

Ins di savens che «Porrentruy sa multiplitgescha per diesch» u che «Bienna sa tripla» durant la «braderie». E questas maximas paran da vegnir confermadas, damai che 40 000 visitadras e visitaders sa rendan a Moutier, 65 000 a Porrentruy, 140 000 a Bienna e 150 000 a La Chaux-de-Fonds. Ultra da la populaziun locala che spetga l’eveniment cun impazienza, vegnan er ina massa persunas dal conturn per far festa. La «braderie» è er in impurtant lieu da scuntrada per persunas expatriadas che vesan puspè lur amias ed amis d’uffanza durant ina fin d’emna nua ch’i vegn fatg festa en las ustarias al liber, amez ils cortegis e las cliccas.

Gallaria d'illustraziuns

  • Fieu artifizial sur il chastè da Porrentruy (Porrentruy, 2016) © reginefoto
  • Char ornà cun flurs a chaschun dal cortegi da la braderie da Porrentruy (Porrentruy, 1966) © Braderie de Porrentruy
  • Til bovin a chaschun dal cortegi da la braderie da Porrentruy (Porrentruy, 1966) © Braderie de Porrentruy
  • La braderie da Bienna attira mintg’onn radund 140 000 visitadras e visitaders (Bienna, 2016) © Bieler BRADERIE biennoise
  • The Ferris wheel on the Place de la gare: a must-see attraction at the braderie (Biel, 2016) © Bieler BRADERIE biennoise
  • Il «corso fleuri» è sa fatg in num a la braderie da Bienna fin en ils onns 1990 (Bienna, nagina data) © Mémoire régionale – regionales gedächtnis, Sammlung Aare
  • Mintga dus onns attira la braderie da Moutier rodund 40 000 visitadras e visitaders (Moutier, 2015) © Jacques Stalder
  • Las cliccas diverteschan la citad (Moutier, 1987) © Mémoires d’Ici, Fonds La Suisse
  • Maneschas, la roda gronda e carussels èn ina necessitad absoluta da questa manifestaziun che duai esser oravant tut festiva (Moutier, 2015) © Jacques Stalder
  • Char da la Federaziun da lavurants FOMH (La Chaux-de-Fonds, 1940) © Musée d’histoire de La Chaux-de-Fonds

Documents da video

1e Braderie de La Chaux-de-Fonds, Extrait du Ciné-Journal Suisse : La Chaux-de-Fonds En marge de la crise horlogère, 1932. Crédit audiovisuel : Bibliothèque de la Ville, La Chaux-de-Fonds, Département audiovisuel

Referenzas e dossier

Publicaziuns
  • Kurt Tanner: Aus der Krise geborenes Sommerfest: 50 Jahre Bieler Braderie. In: Bieler Jahrbuch = Annales biennoises. Biel, 1986, p. 207-210

  • Gérald Hammel et al. : 60 ans de braderie à Porrentruy. Ed. Comité d'organisation de la 26e Braderie. Porrentruy, 1996

  • Sylviane Musy : Voyage à travers les braderies d'hier à aujourd'hui. Conférence, Musée d'histoire de La Chaux-de-Fonds, 3 septembre 2017 (non publiée)

  • Jean-Pierre Jelmini : Vendanges et Braderie : un canton à deux fêtes. In : Présences (Cahier 35). Ed. Alliance culturelle romande. Pully, Genève, 1988, p. 66-74

  • Colin Vollmer : Après le vote, l'édition de la réconciliation. In : Le Quotidien jurassien, 24.08.2017

  • Anne Deschamps : La Braderie de tous les records. In : Le Quotidien jurassien, 26.08.2016

  • Maurice Edmond Perret : Foires et marchés en Suisse. In : Le Globe - Revue genevoise de géographie 99, 1959, p. 65-100

Dossier